ധാ​ക്ക: മു​ൻ പ്ര​സി​ഡ​ന്‍റ് സി​യാ​വു​ർ റ​ഹ്‌മാ​ന്‍റെയും ​മു​ൻ പ്ര​ധാ​ന​മ​ന്ത്രി ഖാ​ലി​ദ സി​യ​യു​ടെ​യും മ​ക​നാ​യ താ​രി​ഖ് റ​ഹ്‌മാ​ന്‍റെ നേ​തൃ​ത്വ​ത്തി​ൽ ബം​ഗ്ലാ​ദേ​ശ് നാ​ഷ​ണ​ലി​സ്റ്റ് പാ​ർ​ട്ടി (ബി​എ​ൻ​പി) അ​ധി​കാ​ര​ത്തി​ലേ​ക്ക്.

‌ഇന്നലെ ന​ട​ന്ന പൊ​തു​തെര​ഞ്ഞെ​ടു​പ്പി​ൽ വ​ൻ ഭൂ​രി​പ​ക്ഷ​ത്തോ​ടെ​യാ​ണ് ബിഎ​ൻ​പി സ​ഖ്യം വി​ജ​യം ഉ​റ​പ്പി​ച്ച​ത്. 60-കാ​ര​നാ​യ താ​രി​ഖ് റ​ഹ്‌മാ​ൻ ബം​ഗ്ലാ​ദേ​ശിന്‍റെ അ​ടു​ത്ത പ്ര​ധാ​ന​മ​ന്ത്രി​യാ​കും.

ധാ​ക്ക-17, ബോ​ഗു​റ-6 എ​ന്നീ ര​ണ്ട് മ​ണ്ഡ​ല​ങ്ങ​ളി​ൽനി​ന്നു മ​ത്സ​രി​ച്ച താ​രി​ഖ് റ​ഹ്‌മാ​ൻ ര​ണ്ടി​ട​ത്തും മി​ക​ച്ച വി​ജ​യമാണു നേടിയത്. ആ​കെ​യു​ള്ള 300 സീ​റ്റു​ക​ളി​ൽ 292 ഇ​ട​ത്താ​ണ് ബി​എ​ൻ​പി നേ​രി​ട്ട് മ​ത്സ​രി​ച്ച​ത്. ഇ​തി​ൽ മൂ​ന്നി​ൽ ര​ണ്ടു ഭൂ​രി​പ​ക്ഷമാണ് ബിഎൻപി നേടിയത്.

2024 ഓ​ഗ​സ്റ്റി​ലെ വി​ദ്യാ​ർ​ഥി പ്ര​ക്ഷോ​ഭ​ത്തെ​ത്തു​ട​ർ​ന്ന് ഷെ​യ്ഖ് ഹ​സീ​ന പു​റ​ത്താ​യ​തോ​ടെ​യാ​ണ് രാ​ഷ്ട്രീ​യ​ത്തി​ൽ താരിഖ് റഹ്മാൻ വീ​ണ്ടും സ​ജീ​വ​മാകുന്നത്. 17 വർഷം താരിഖ് യുകെയിൽ പ്രവാസജീവിതം നയിക്കുകയായിരുന്നു. 2025 ഡി​സം​ബ​റി​ൽ ഖാ​ലി​ദ സി​യ​യു​ടെ നിര്യാണത്തിനുശേ​ഷ​മാ​ണ് താരിഖ് ബംഗ്ലാദേശിൽ മടങ്ങിയെത്തുന്നതും പാ​ർ​ട്ടി​യു​ടെ നേതൃസ്ഥാനം ഏറ്റെടുക്കുന്നതും.

യുഎസിന്‍റെ അഭിനന്ദനം

ബിഎൻപിയുടെ വി​ജ​യ​ത്തി​ൽ താ​രി​ഖ് റ​ഹ്‌മാ​നെ അ​മേ​രി​ക്ക അ​ഭി​ന​ന്ദി​ച്ചു. ബം​ഗ്ലാ​ദേ​ശി​ലെ ജ​ന​ങ്ങ​ൾ​ക്കും ബി​എ​ൻ​പി​ക്കും ആ​ശം​സ​ക​ൾ നേ​രു​ന്ന​താ​യും ഇ​രു​രാ​ജ്യ​ങ്ങ​ളു​ടെ​യും സു​ര​ക്ഷ​യ്ക്കും പു​രോ​ഗ​തി​ക്കു​മാ​യി പു​തി​യ സ​ർ​ക്കാ​രു​മാ​യി ചേ​ർ​ന്നു പ്ര​വ​ർ​ത്തി​ക്കാ​ൻ താത്​പര്യ​പ്പെ​ടു​ന്ന​താ​യും യു​എ​സ് സ്ഥാ​ന​പ​തി ബ്രെ​ന്‍റ് ടി. ​ക്രി​സ്റ്റ​ൻ​സ​ൺ പറഞ്ഞു.

ഇന്ത്യയോടുള്ള സൗഹൃദം

പു​തി​യ സ​ർ​ക്കാ​രിനു മു​ന്നി​ലു​ള്ള പ്ര​ധാ​ന വെ​ല്ലു​വി​ളി ഇ​ന്ത്യ​യു​മാ​യു​ള്ള ന​യ​ത​ന്ത്ര​ബ​ന്ധം പു​നഃ​സ്ഥാ​പി​ക്കു​ക എ​ന്ന​താ​ണ്. ഷെ​യ്ഖ് ഹ​സീ​ന​യ്ക്ക് ഇ​ന്ത്യ അ​ഭ​യം ന​ൽ​കു​ന്ന​തി​നെ​ക്കു​റി​ച്ചു ചോ​ദി​ച്ച​പ്പോ​ൾ, "പ​ര​സ്പ​ര ബ​ഹു​മാ​ന​ത്തി​ല​ധി​ഷ്ഠി​ത​മാ​യ ബ​ന്ധ​മാ​ണ് ആ​ഗ്ര​ഹി​ക്കു​ന്ന​ത്' എ​ന്നാ​യി​രു​ന്നു താരിഖിന്‍റെ മറുപടി. ഇ​ന്ത്യ​യു​മാ​യു​ള്ള സൗ​ഹൃ​ദം വ​രും ദി​വ​സ​ങ്ങ​ളി​ൽ ഇ​രു​രാ​ജ്യ​ങ്ങ​ളും എ​ടു​ക്കു​ന്ന നി​ല​പാ​ടു​ക​ളെ ആ​ശ്ര​യി​ച്ചി​രി​ക്കു​മെ​ന്നും താരിഖ് പറഞ്ഞിരുന്നു.